ಅಮೇರಿಕಾ ಅನುಭವ-7

ಥಂಡಿಯಾತ್ರೆ.

 ಇಸ್ರೇಲು ಮತ್ತು ಅರಬ್‌ ರಾಷ್ಟ್ರಗಳ ನಡುವೆ ಸದಾ ಸಂಘರ್ಷ. ಇವರ ನಡುವಿನ   ಕದನದಿಂದ ಪಾಲೆಸ್ಟೇನಿನ ಜನರು ನಿರಾಶ್ರಿತರಾದರು.  ಇಸ್ರೇಲ್ ರಾಷ್ಟ್ರದ ನಿರ್ಮಾಣದಿಂದ ಅಲ್ಲಿ ನೆಲಸಿದ್ದ ಯೇಹೂದಿಗಳಲ್ಲದವರು ಪಲಾಯನ ಮಾಡಿದರು. ಅವರನ್ನು ಪುನರ್‌ಸ್ಥಾಪಿಸಲು ನಡೆದ ಯತ್ನಗಳುಪೂರ್ಣವಾಗಿ  ಯಶಸ್ವಿಯಾಗಿಲ್ಲ. ಹೀಗೆ ನಿರಾಶ್ರಿತರಾದ ಜನರನ್ನೆಲ್ಲ ಅಲ್ಲಲ್ಲಿ  ಶಿಬಿರಗಳಲ್ಲಿ ನೆಲೆಗೊಳಿಸಿ ಯೋಗ ಕ್ಷೇಮ ನೋಡಿಕೊಳ್ಳಲಾಗುತ್ತಿದೆ.. ಅದರ ಮೇಲ್ವಚಾರಣೆಯನ್ನು ವಿಶ್ವ ಸಂಸ್ಥೆಯೆ  ನೋಡಿಕೊಳ್ಳುವುದು . ಇಲ್ಲಿನ ಒಂದು ಶಿಬಿರ ಪೂರ್ಣವಾಗಿ ಭೂ ಆವೃತವಾದ ಪ್ರದೇಶವಾಗಿದೆ. ಅಲ್ಲಿನ ಜನರಿಗೆ ಸಮುದ್ರ ನೋಡುವ ಅವಕಾಶವೆ ಇಲ್ಲ . ಬಿರು ಬಿಸಿಲಲ್ಲಿ ತಣ್ಣನೆ ನೀರಿನಲ್ಲಿ ಆಟವಾಡಲು ಅಲ್ಲಿ  ಜಲಾಶಯಗಳು ಇಲ್ಲ.  ಸಮುದ್ರ ತೀರವೇನು ಅತಿ ದೂರವಲ್ಲ. ಆದರೆ ಹೋಗುವ ಹಾಗಿಲ್ಲ. ಕಾರಣ ಇಸ್ರೇಲ್‌ ಅಕ್ರಮಿತ ಪ್ರದೇಶವೆ ಅವರ ಶಿಬಿರವನ್ನು ಸುತ್ತುವರಿದಿದೆ.  ಅವರಿಗೆ ಅಲ್ಲಿ  ಪ್ರವೇಶ ನಿಷಿದ್ಧ. ಇಸ್ರೇಲಿ ನಾಗರೀಕರು ಮುಕ್ತವಾಗಿ ಎಲ್ಲೆಡೆ ಸಂಚರಿಸಬಹುದು. ಆದರೆ ಅದೆ ಸ್ವಾತಂತ್ರ್ಯ ಶಿಬಿರವಾಸಿಗಳಿಗೆಇಲ್ಲ. ಇದು ನ್ಯಾಯ ಸಮ್ಮತವಲ್ಲ ಎಂದು ಅನೇಕರಿಗೆ ಅನಿಸಿದೆ. ಅದರಲ್ಲಿ ಇಸ್ರೇಲಿನ ನಾಗರೀಕರೂ ಇದ್ದಾರೆ. ಆದರೆ ಕಾನೂನು ಹಾಗಿದೆ ಯಾರೂ ಏನೂ ಮಾಡುವಹಾಗಿಲ್ಲ. ಅದನ್ನು ಪ್ರತಿಭಟಿಸಲು ಕೆ;ಲ ಸಹೃದಯಿ ಯಹೂದಿಗಳೆ ಹೊಸ ಮಾರ್ಗ  ಹಿಡಿದರು. ನಿರಾಶ್ರಿತ ಶಿಬಿರದಲ್ಲಿನವರಿಗೆ ಸಾಗರ ದರ್ಶನ ಮಾಡಿಸುವ ಯೋಜನೆ ಕೈ ಕೊಂಡರು. ಅದರಿಂದ ಮಹತ್ತರ ಬದಲಾವಣೆ ಬರಲಿಕ್ಕಿಲ್ಲ. ಆದರೆ ಅದೂ ಸಹಾ ಒಂದು ಸಾಂಕೇತಿಕ ಪ್ರತಿಭಟನೆಯ ಕುರುಹು ಎನ್ನಬಹುದು.

ಶಿಬಿರಾರ್ಥಿಗಳಿಗೆ ವಿಧಿಸಿದ  ಮುಕ್ತಸಂಚಾರದ ನಿರ್ಬಂಧ  ಇಸ್ರೇಲ್‌ನ ರಕ್ಷಣಾ ದೃಷ್ಟಿಯಿಂದ  ಸರಿ ಎಂದು ಅವರ ವಾದ. ಅದಕ್ಕಾಗಿ ಅವರು ಹಾಕಿದ ಹಸಿರು ಗೆರೆಯನ್ನ ಪಾಲಿಸ್ಟೇನಿನವರು ದಾಟುವಹಾಗಿಲ್ಲ. ಒಂದು ರೀತಿಯಲ್ಲಿ ಹಿಂದೆ ಜರ್ಮನಿಯಲ್ಲಿದ್ದ ಬರ್ಲಿನ್‌ ಗೋಡೆ ಇದ್ದಹಾಗೆ.

ಹನ್ನಾ ಹಮರ್‌ ಒಬ್ಬ  ಯೇಹೂದಿ  ಮಹಿಳೆ. ಅವಳು  ಲೇಖಕಿ,  ಸ್ಥಳೀಯ ಪತ್ರಿಕೆಯ ಸಂಪಾದಕಿಯೂ ಹೌದು. ಒಂದು ಜನಾಂಗದ ಸಂಸ್ಕೃತಿ ಅರಿಯಲು ಅವರ ಭಾಷೆಯ ಕಲಿಕೆ ಅಗತ್ಯ ಎಂದು ಕೊಂಡವಳು. ಅವಳು ಅನುವಾದಕಿಯಾದ್ದರಿಂದ  ಅರೇಬಿಕ್‌ ಕಲಿಯಲು  ನಿರಾಶ್ರಿತರ ಶಿಬಿರಕ್ಕೆ ಆಗಿಂದಾಗ ಭೇಟಿಕೊಡುವಳು. ಹಾಗೆ ಹೋದ  ಸಮಯದಲ್ಲಿ  ಅಲ್ಲಿನ ಹುಡುಗಿಯೊಬ್ಬಳು ತನಗೆ ಜೀವನದಲ್ಲಿ ಒಂದುದಿನದ ಮಟ್ಟಿಗಾದರೂ ಶಿಬಿರದ   ಹೊರಗಿನ ಜಗತ್ತನ್ನು ನೋಡಲು  ಅವಕಾಶ ದೊರೆತರೆ ಸಾಕೆಂಬ ಹಂಬಲಿಸುವುದನ್ನು ನೋಡಿ  ಕರುಣೆಯುಕ್ಕಿತು.

ದೇಶದ ಕಾನೂನಿನ  ಪ್ರಕಾರ ಇಸ್ರೇಲಿನ ಪ್ರಜೆಗಳು ಜೋರ್ಡಾನಿನಿಂದ ಮೆಡಿಟರೇನಿಯನ್‌ ಸಮುದ್ರದ ವರೆಗೆ ಮುಕ್ತವಾಗಿ ಸಂಚರಿಸಬಹುದು. ಆದರೆ ನಿರಾಶ್ರಿತರಿಗೆ ಆ ಸೌಲಭ್ಯವಿಲ್ಲ.. ಈ ಕಾನೂನು ಹನ್ನಾಳಿಗೆ ನ್ಯಾಯಸಮ್ಮತ ಅನಿಸಲಿಲ್ಲ. ಅದನ್ನುತನ್ನದೆ ಆದಸ ರೀತಿಯಲ್ಲಿ ಪ್ರತಿಭಟಿಸಲು ತಯಾರಾದಳು

 ಇಸ್ರೇಲು ಫಾಲೆಸ್ಟಿನಿಯರ ಮಾರ್ತಊಭೂಮಿಯೂ ಹೌದು. ಅವರ ಇತಿಹಾಸ, ಧರ್ಮ,ಪೂರ್ವಜರ  ಹುಟ್ಟು ನೆಲ, ಪರಂಪರೆಯ ಬೇರುಗಳಿರುವ ಪಟ್ಟಣ , ನಗರಗಳಿರುವುದ ಇಲ್ಲಿಯೆ . ಆದರೆ ಅಲ್ಲಿ ಹೋಗಲು  ಅವರಿಗೆ ಅವಕಾಶವಿಲ್ಲ. ಎನ್ನುವುದು ಅಮಾನವೀಯ ಎನಿಸಿತು. ಅದಕ್ಕೆ ಅವರನ್ನು ಮಾರು ವೇಷದಲ್ಲಿ ಕರೆದೊಯ್ಯಲು ಯೋಜನೆ ಹಾಕಿದಳು. ಇಸ್ರೇಲಿನ ನಾಗರೀಕರು ಕಡಲ ತೀದಲ್ಲಿ ವಿಹರಿಸಲು ಮುಕ್ತವಕಾಶವಿದೆ. ಅದನ್ನೆ ಬಳಸಿ ನಿರಾಶ್ರೀತರಿಗೂ ಅವಕಾಸ ಒದಗಿಸಿದಳು..ನಿರಾಶ್ರಿತ  ಯುವತಿಯನ್ನು ತನ್ನ  ಕಾರಿನ  ಹಿಂದಿನ ಸೀಟಿನಲ್ಲಿ  ಕೂರಿಸದೆ  ಪಕ್ಕದಲ್ಲೆ ಕೂರಿಸಿದಳು  ಮೈ ಮುಖ ಮುಚ್ಚಿ , ಇಲ್ಲವೆ ವೇಷ ಮರೆಸಿ ಕುಳಿತುಕೊಳ್ಳಲಿಲ್ಲ. ಬಟ್ಟೆ ಬಿಚ್ಚಿ ತುಂಡು ತೊಟ್ಟು ಖುಷಿಯಾಗಿ ಕೈ ಬೀಸುತ್ತಾ ಕುಳಿತರು ವಾಹನವನ್ನು ಮಧ್ಯವಯಸ್ಕಳಾದ ಹನ್ನಾ ತನ್ನ ಸಂಪ್ರದಾಯಿಕ ಉಡುಗೆ ಬಿಟ್ಟು ಪ್ರವಾಸಿಯಂತೆ ಹೊರಟಳು. ಮಧ್ಯ ಬರುವ ಅಲ್ಲಲ್ಲಿ ಅನೇಕ ಮಿಲಿಟರಿ ಚೆಕ್‌ಪೋಸ್ಟುಗಳು.ಅವರು ಕಾನೂನು ಮುರಿಯುವ ನಿರಾಶ್ರಿತರನ್ನು ತಡೆಯಲು ಸನ್ನದ್ಧರು. ಆದರೆ ಕಾರಿನಲ್ಲಿರುವ ಹುಡುಗಿಯರು  ಆರಾಮಾಗಿರಲು  ಸಾಗರ ತೀರಕ್ಕೆಹೋಗುವ ಪ್ರವಾಸಿಗಳು.  ಅವರು ಹಾದು ಹೋಗುವಾಗ.ಸಾಂಪ್ರದಾಯಕ  ಉಡುಪು ಇದ್ದರೆ ಇವರು ಯೇಹೂದಿ, ಅವರು ಪಾಲೆಸ್ಟೇನ  ಎಂದು ಗುರುತಿಸಬಹುದು. ಆದರೆ  ಬರಿ ಮೈನಲ್ಲಿರುವಾಗ  ಎಲ್ಲ ಹೆಂಗಸರೂ ಒಂದೆ ತಾನೆ.ಅದರಿಂದ ಯಾವುದೆ ತೊಂದರೆ ಇಲ್ಲದೆ  ಸಮುದ್ರ ತೀರ ಸೇರಿದರು. ಸಂಜೆಯ ತನಕ ಜಲಕ್ರೀಡೆಯಾಡಿದರು ವಹಿಸಿದರು  ಸಂಜೆ ಜಾಫ ತೀರದಲ್ಲಿರುವ ನಗರದ ಐದನೆ ಮಹಡಿಯ ಮೇಲೆ ಅವರಿಗೆ ಔತಣ ಕೂಟ ನೀಡಲಾಗಿತ್ತು. ಅಲ್ಲಿ . ತಿಂದು ,ಕುಡಿದು,  ಪಾಲೆಸ್ಟೈನ್ ಸಂಗೀತಕ್ಕೆ ಕುಣಿದು ಕುಪ್ಪಳಿಸಿದರು. ಕೊನೆಗೆ ಸಿಗರೇಟಿನ ಹೊಗೆ ಬಿಟ್ಟು ಸಂಭ್ರಮಿಸಿದರು. ಧೂಮಪಾನ ಅರಬ ಹೆಂಗಸರು ಕನಸಲ್ಲೂ ಅದರಲ್ಲೂ   ನಿರಾಶ್ರಿತರು  ಜೀವಮಾನದಲ್ಲಿ ಮಾಡಲಾಗದ ಮಹಾಕಾರ್ಯ.  ನಂತರ ಹೇಗೆ ಹೋದರೋ ಹಾಗೆ ಹಿಂತಿರುಗಿದರು. ಶಿಬಿರದಲ್ಲಿರುವ ಕುಟುಂಬದವರು ಇದು ವಿರೋಧಿಗಳ ಜತೆ ಕೈ ಜೋಡಿಸುವ ಕೆಲಸ  ಎಂದು ಗೊಣಗಿದರೂ ಹುಡುಗಿ  ತಲೆ ಕೆಡಿಸಿಕೊಳ್ಳಲಿಲ್ಲ. ಈ ಸಾಹಸ ಕಾರ್ಯ ಬಾಯಿಂದ ಬಾಯಿಗೆ ಹರಡಿ ಒಂದು ಚಿಕ್ಕ ಸಂಘಟನೆಯೆ ನಿರ್ಮಾಣ ಅನೇಕ ಹುಡುಗೆಯರಿಗೆ ಥಂಡಿ ಪ್ರವಾಸ ಸಾಧ್ಯವಾಯಿತು. ಪೋಲಿಸರು ಅನುಮಾನದ ಮೇಲೆ ಕೆಲವರನ್ನು ಪ್ರಶ್ನಿಸಿದರು. . ಆದರೆ ಈ ವರೆಗೆ ಅತಿಕ್ರಮಿಸಿದವರನ್ನು  ಕಡಲ ತೀರದಲ್ಲೆ ಬಂಧಿಸುವುದು ಆವರಿಗೆ ಸಾಧ್ಯವಾಗಿಲ್ಲ. ನಮ್ಮಲ್ಲಿನ ದಂಡಿ ಯಾತ್ರೆ ನಡೆಸಿದರು . ದೇಶದ ಸ್ವಾತಂತ್ರ್ಯಕ್ಕಾಗಿ,  ಆದರೆ ಇಸ್ರೇಲಿನಲ್ಲಿ  ಥಂಡಿ ಯಾತ್ರೆ  ನಡೆದಿದೆ ವ್ಯಕ್ತಿ ಅದೂ ಸ್ವಾತಂತ್ರ್ಯಕ್ಕಾಗಿ . ಆದರೆ ಮುಕ್ತವಾಗಿ ಅಲ್ಲ ಗುಪ್ತವಾಗಿ.