ದಿನದ ಕವನ

   ಕನ್ನಡ ಸೇವೆ

ಕನ್ನಡದ ಸೇವೆ ಹೇಗೆ ಮಾಡಲಿ ಎಂದು

ಕೇಳುವೆಯಾ ನೀನು ಕನ್ನಡದ ಕಂದ

ಹಳೆಗನ್ನಡ ತಿಳಿಯದಿರೆ ಸಂಕೋಚವೇಕೆ? 

ಬೇಂದ್ರೆ, ಕುವೆಂಪು ಓದದಿರೆ ಬೇಡ ನಾಚಿಕೆ

ಕನ್ನಡೇತರರ ಜತೆಗೆ ಹೋರಾಡ ಬೇಕಿಲ್ಲ

ಚಳುವಳಿ , ಹರತಾಳ ಯಾವುದೂ ಸಲ್ಲ

ಮಕ್ಕಳು ಓದಿದರೂ ಕಾನ್ವೆಂಟಿನಲಿ,

ಮಡದಿ ಕೂಡಾ ಕ್ಲಬ್‌ಗೆ ಹೋಗಲಿ

ಎಲ್ಲ ಕಡೆ ಕನ್ನಡ ಮಾತಾಡು

ಎಲ್ಲ ವ್ಯವಹಾರ ಕನ್ನಡದಿ ಮಾಡು

ಓದಿದರೆ ದಿನಕ್ಕೊಂದು ಕನ್ನಡ ಪತ್ರಿಕೆ,

ಆಗೊಮ್ಮೆ ಈ ಗೊಮ್ಮೆ ಹೋಗು ಕನ್ನಡ ಚಿತ್ರಕೆ

ನೀನು ಇದ ಮಾಡುವುದೆ ಕನ್ನಡ ಸೇವೆ

ಧನ್ಯಳಾಗುವಳು ತಾ ಕನ್ನಡ ತಾಯೆ !